ان تكون كلارك كنت طوال الوقت

كل سنة وانتوا طيبين
النهاردة 15 يناير
عارفين زي النهاردة حصل ايه ؟
حدثين مهمين جدا ليا ولمصر
طبعا انتوا عارفين انه اي حاجة مهمة ليا تبقي مهم لمصر
لانه علي راي حاتم
اللي مالوش خير في ساعد نسرين ملوش خير في مصر

زي النهاردة من 97 سنة اتولد الزعيم عيد الناصر
القدوة التي ظللت سنوات اتخبطت وانا ابحث عنها
وزي النهاردة من 11 سنة ( ربي هل هم 11 سنة حقا ) كنت في الحزب الناصري القي قصيدة من تاليفي عن عبدالناصر
قصيدة فظيعة فيظعة
كانت مشبعة باحلام الفتي الطاير ورغبات الحرص علي القافية والسجع
اذكر ان اسمها كان
المزاد بلا ثمن

كنت اقول فيها
باعوك رخيصا يا وطني فالكل مدان
وكيق اعيش في وطن
لا احيا فيه كانسان
يجري النيل فيغرقنا
وانا عطشان
والارض الخصبة ترتبتنا
وانا جوعان
وانا مسجونا مقهورا خلف القضبان
فكيف اعيش في وطن
والكل جبان


وده اللي انا فكره حاليا حيث انني لا احفظ اشعاري
بس اللي اعرفه انها كانت قصيدة حلوة
وتم نشري اسمي في جريدة الحزب الناصري تاني يوم بدون ان اعرف اي احد في الجريدة
متصوريش
ده كان تاثيره ازاي عليا
وهو ده اللي خلاني اشترك في الحزب بعد كده

اذكر ان صديقي العزيز حسام وكان من حلوان- ياااه تفتكروا ممكن يكون حسام الحملاوي؟؟؟
المهم انه قالي لي واحنا ماشيين
ايوة يا عم تلاقيك اشتريت كل نسخ العربي النهاردة
فسالته مندهشا ليه ؟
قالي لي يعني مش عارف وهو يعمزني
قلت له والله ابدا
قال لي اسمك منشورة
ياااااااااااااااااااااااااااه
كنت لم اكمل عامي السابع عشر
وكنت طائر بكل عام منهم 10000000000 فرسخ فوق الارض

يااااااااااااااااااااااااااااااااااااااه
كانت ايام

اذكر بعدها ان اخي رد عليا وهو كابي بيكره عبدالناصر جدا
رد عليا بقصيدة مطلعها
ءاتقول جمال؟؟؟
اين عمر اين عليا اين عثمان؟

------------------------------------------------------------------------------
ان تكون صاحب بلوج ؟؟

منذ ان اطلقت البلوج الذي سيكون الاهم والاشهر وانا لم اخبر بيه الا شخصا واحد
صديقي ريحان الباكستاني الذي يغطي احتياجاتي في الدعم الفني للبلوج
اختره هو فقط لانه لا يفهم العربية
لكني دائما في خوف ان يعمل حركة عبيطة ويستعين باحد العرب هنا ليترجم له ما اكتبه
خاصة وانني مازالت لم اجد اوراق الضمان ابو 486000 الضائع مني
ولوعلم اي شخص هنا بالعمل ستكون مصيبة
كمان لا يمكنني ان اخبر اصدقائي
فلااريد ان يعرف احد انني انا انا وانها هي نسرين
فعلا كما هي شاقة حيوات اناس مثل سوير مان وسيبدار مان
واي شخصية يكون مكتوب عليها الحياة بشخصيتن
فبرغم كل شئ كان لا شئ من قدراته يجد ي مع حبيته
هل تذكرون عذاب رشدي اباظة في الفيلم اللي كان بيمثل فيه انه ابو سعاد حسني وهو مش كان ابوها
وهل تذكرون عذاب شادية وهي بتعمل دور خادمة يسرا مش امها
اد ايه ده صعب والله
انا لا اتحدث عن فرق سن بيني وبين حبيتي هنا
انا اتحادث عن الام تمثيل حاجة تعلم تماما انك لست هي
الله يكون في عون هاني شاكر ونادية الجندي
هل الاشخاص التي تتحدث عنهم غادة علي انهم زملاءها في الشغل حقيقون؟
كيف ساحكي لكم انا عن هاشم الهندي او عم فخري الاردني او اشرف الفلسطيني او موريس الكندي او ميشيل الفلبينة
اسالكم النصحية والرشد

الله الوطن نسرين
جدة في 15/1/2008