في الفرق بين جوليا روبرتس ودينا الراقصة

لو حد وقفت في الشاعر وقال لك هات ليا 20 فرق بينا وبين الاجانب وانت تكسب 254682 يورو ياتري هتعرف ترد
ولا هتكشف اننا معلومات عنهم وعن نفسنا ضعيفة جدا
طيب ايه رايكم نحاول نجرب كده نجيب فروقات

عندهم بيحبوا البيرة وعندنا بنعزي الحشيش اوي

عندهم جميس بوند عندنا ادهم صبري

عندهم مفيش مهرجان القراءة للقطيع او للجميع ومع ذلك كلهم بيحبوا القراءة
عندنا فيه المهرجان وفيه كتب بتطبع بفلوس وزراة الثقافة
وفي الاخر يطلع مفيش ولا واحد في وزراة الثقافة قراها الاول

عندهم ديك تشيني عندنا زكريا عزمي

عندهم الشغل شغل واللهو لهو
عندنا الشغل لهو
واللهو شغل ( لاحظ التعبير رايح اشتغل مع مراتي او اشتغل مع المزة )؟

عندهم جورج تنيت عندنا جمعة الشوان

هم بيعيشوا علي العمولات هنا الناس بتسرق

عندهم لوري وهاردي عندنا تامر وشوقية

عندهم لما الواحد بيسرق مبلغ كبير ميقدرش يجي عندنا عشان بيتمسك الاول
عندنا الناس بتسرق عشان تهجي من البلد

عندهم اوبر وينفري وعندنا معتز الدمرادش

عندهم تخطيط جمالي للمدن وعندنا عشوائيات وميدان رميسييس الي بقي من غيره

عندهم تامين صحي شامل عندنا التامينعبارة عن بلاي ستيتشن- شوية دماء ملوثة علي فشل كلوي علي مبيدات للدرجة ان المعجزة الحقيقة بقيت انك تقعد في مصر 12 سنة من غير ما يجيلك المرض البطال

عندهم بيل جيتس عندنا احمد عز

عندهم من الممكن ان ينتحر وزير في حالة الفشل
عندنا يفشل الوزير في كل شئ ويفشل في الانتحار ايضا

عندهم السمك رخيص لدرجة ان الناس ممكن تاكل السمك كل يوم
عندنا مش بنشوفه لدرجة اننا ممكن نرمي كل يوم 20 واحد للسمك

عندهم البرتقال اغلي من التفاح
عندنا اللحمة اغلي من الشرف

عندهم ستيفن سلبيرج وعندنا وائل احسان

عندهم ان تكون مشهور يعني ان تكون ملتزما
عندنا ان تكون ملتزم يعني انك معنديكش ظهر

عندهم سلين ديون عندنا روبي

عندهم بيلعبوا سودكو او شطرنج وعندنا احنا بنلعب سيجا او حكشة

عندهم ارنورلد شوزاينج عندنا الشحات مبروك

عندهم انتوني روبنز عندنا علاء الاسواني

عندهم بيكيفوا المسرح هواء بادر جميل
عندنا لو روحت مسرح من مسارح الدولة وطلعت سليم ومش محروقا ابقي تعالي العب علي قبري استغماية

عند هم ليورنالدو ديكابرو وعندنا محمد عطية

عندهم الاخ الاكبر عندنا ستار اكادمي

عندهم البابا بندكيت عندنا محمد سيد طنطاوي

عندهم رمسفليد عندنا المشير طنطاوي

عندهم روناليندو عندنا عماد النحاس

عندهم جوليا روبرتس عندنا دينا الراقصة

هم مش عندهم حسام ابو الفتوح احنا عندنا واحد في السجن

عندهم بلاتر وعندنا مرتضي منصور

عندهم مسلسل فالكون كريست عندنا ليالي الحلمية

عندهم عقول انتجت فيلم زي سيد الخواتم واحنا عندنا عقول انتجت سيد العاطفي

عندهم دم واحنا عندنا ......؟

ها؟ عندكم فروقات تانية ؟
لوعندك فروقات كمان ممكن تكسب بجد

ياتري لو قمت حرب تفتكروا مين هيكسب ؟؟