عروسة بس مدسوسة

تمكنت المباحث الفيدرالية الامريكية من احباط عملية ارهابية علي حد زعمهم عن طريق اعتراض رسالة تقول

واصلوا الرقص الويسكي في الطريق الله معكم

ولا ادري من الغبي هنا ؟ المباحث الفيدرالية ام الارهاربين

لا ادري لماذا تذكرت هذه الرسالة وانا اتعرض للمواقف الاتية

انت متجوزتيش لحد دوقتي ليه ؟

حد عنده افكار؟

ارهابية كي جي تو

تتصل بي اختي لتطلب مني زيارتها علي عجل

تعالي من فضلك يا احمد دوقتي حالا ضروري جدا

في ايه يا بنتي؟

لما تيجي هاتعرف

اذهب اليها فتقولي لي اتفضل في الصالون وانا احب ان اجلس في غرفة العيال عشان بتعلم منهم البلايستشين

سالتها ولماذا ؟

قالت لي ان الغرف الباقية كلها برد ؟

برد؟ ايه احنا في يوليو

المهم

كنت اشعر ان هناك شئ مريب يدبر لي

لكن حتي هذه اللحظة لما اكن قد فهمت شئ

معلش يا احمد اهل وائل جايين النهاردة وهاكون مشغولة في المطبخ

والمفروض انني هاساعدك يعني

لا طبعا العفو

انت المطلوب منك حاجة تانية

في ايه يا بنتي سيبتي ركبي

طب هاقوولك بس استني افتح الباب

تذهب

ثم تدخل وتقول لي علي السريع ديه ميس فاطمة جاية عشان ترجع للعيال عشان الامتحانات

معلش اقعد معها عشان السلطة مش تتحرق

قبل ما انطق بكلمة غادرت الغرفة وكانها تخشي من رد فعلي

المهم شممت رايحة شياط فعرفت ان السلطة اتحرقت فعلا - لو كان شئ كهذا ممكنا- لكن

طلع ايه ؟

اتاري ميس فاطمة ديه حاطة برفان شبه الدكو كده

المهم سلمت وجلست

ثم قررت ان تسري عن نفسها قليلا بان تشكو لي

اووووووووووووف الدنيا هنا حر اوي هو عندكم في السعودية حر كده

طلبت منها انها تخلي اختي تتدخلها اي اوضة من الاوض البرد اللي عندها

سعودية ؟

هل قالت عندكم في السعودية ؟

هي عرفت من فين بقي ؟

ابتدا الفار يلعب في عبي بلاي ستشين

اختي قالت انها جاية ترجع للعيال عشان الامتحانات

والعيال لم يظهر لهم اثر بعد

فلو اضفنا الي ذلك ان اكبر اولاد اختي في كي جي تو

وانه حتي امتحانات الثانوية العامة انتهت

فستدرك انك في فخ كبير

وكاي فار يحترم نفسه اخذت اقترب من باب الغرفة بحذر

وانا اخشي ان اقوم باي حركة استفزازية للاخت فاطمة اللي كانت بتبرق من وراء نظارتها الشمسية

اقتربت من الباب فعلا لاسمعها تقول بصوت عالي

هوانا جئت قلقت حضرتك ولا ايه ؟

اصرخ بصوت مبحوح لاابدا لكن صوتي لا يطاوعني كاني في كابوس

قالت نعم بتقول ايه

لم اشعر الا بنفسي كاي شاب يخاف من اختطاف امن الدولة له

وانا اصرخ باسم اختي

فاتيت مسرعا وهي مندهشة

هو في ايه ؟

ثم نظرت لها في لوم وتبادلت معها نظرة انتي عملت فيه ايه ؟

فاجابت بنظرة مش عملت حاجة هو اللي مش علي بعضه

المهم ذهبت مع اختي للمطبخ

وانا مرتبك جدا ومشاعري مرتبكة جدا

اريد ان اخنقها نعم

سوف تخرج صحف غدا بمانشيت يحكي عن الاخ الذي خنق اخته عشان كانت عايزة تسلمه

لكني تذكرت وماذا سافعل مع هذا الوحش بالخارج

ان اختي تستطيع حمايتي منه ؟

كما ان فرصة قتل اختي سانحة في اي وقت

فقررت ان استخدم الحيلة حتي انجو من هذا الموقف

مين ديه يا اختي ؟

ديه بنت خال وائل جوزي وبتجي تذاكر ليمني

طيب وانا مالي

يا بني هو فيه ايه ؟

هو انت بنت؟؟

اقعد معها واتكلم معها

انت كبرت يا احمد

كبرت ايه ؟ هوانتي وجوزك مش تبع الحزب الوطني ؟

يعني هي جئت عليا يعني

طب عشان الاتيكيت مش يصح نسيها لوحدها

عشان خاطر يمني

وكمان فاطمة ديه بتلعب بلاي ستشين كويس اوي

يعني في بينكم مواضيع مشتركة

قالت لي فاطمة وهي تحاورني

ان ربنا قال في القرآن ان الزواج فيه شفاء للناس

كدت ان ارد عليها بقوله فان خفتم الا تعدلوا

لكني تذكرت ان الاية اللي هي قالت كانت تتكلم عن العسل لا عن الزواج

يمكن كان قصدها علي شهر العسل ؟؟؟

واصلوا الرقص الويسكي في الطريق الله معكم

ياتري من الغبي هنا

طبعا مش انا ؟

عروسة في فنجان

اجلس بجوار خالتي وهي تعد لي القهوة التي طالما اشتقت اليها

تنظر لي بحنان ثم تقول لي متقمصة دور قارئة الفتجان ييلا اشرب القهوة عشان اقرءلك الفنجان

فاترك القهوة كي تجفف البصمات ولانني انشغل مع خالتي العزيزة في احاديث ودية لا تنتهي

تنظر لي بحنان حازم وتقول لي يللا اشرب بقي فاشرب القهوة التي طالما حرمت منها ثم تمسك هي فنجاني وتقول الكلمة المعتادة

ادمك سكة سفر

سفر سفر اتمني ان اري فنجان القهوة الذي يقول لي ادامك نقطة رجوع

ابتسم لها ساخرا ماشاء الله عليكي يا خالتي مستواكي في قراءة الفنجان بقي عالي اوي

تتظاهر بالجدية وهي تكتم ضحكتها وتقول في عروسة جميلة بفستان الفرح وشبه ملك جارتنا

فاقول انا في فزع ضاحكا وماذا تفعل ملك بفستانها في فنجاني الا تخشي علي فستانها

ثم انظر لها بجدية حائرة لو كانت هناك عروسة تنتظرتي فهي تسرين

تنظر لي بالم ممزوج بالحنان

يا بني نفسي اتطمن عليك قبل ما

متكلميش يا خالتي من فضلك ربنا يديك طوالة العمر

احاول ان اغير جو الكآبة واسالها هل تستطيع ان تقرائي فناجين الشاي ومجات الكابتشيتو ايضا ؟

تنظر لي بحنان وتقول انها تسطيع ان تقرا اي حاجة حتي عيني

ينتهي موقف القهوة مع خالتي لكن السؤال ظل يحاصرني طوال اجازتي

انتوا اصدقائي وتعرفون انني لم اتتزوج بسبب انني لم اعثر علي نسرين بعد

لكن قد يصعب شرح هذا لشخصيات وقورة لها هيبة كابي والمستشار وابيه رضا جمعيهم يسالون

انت متجوزتيش لغاية دوقتي ليه ؟

يمكن عشان محظوظ

فلا تعجبهم الاجابة

انت متجوزتيش ليه ؟

المشكلة انني باصحي متأخر

فلا تعجبهم الاجابة

مصممين كهيئة محلفين تدين عربي بعد احداث بنها

انت متجوزيتش ليه ؟

اجيب صادقا وبجدية

لسه مش لاقيت بنت الحلال

يجيبوا بنات الحلال كتير

ثم ينظروا الي خالتي هل راي ملك ؟

ملك ملك اكاد اشد شعري من ملك هذا

وملك هذا تشبه جانيت بنت وليم شحاتة اللي كانت عايزة تتجوز جرجس في فيلم حسن ومرقص

اجيب بسرعة متنفعيش

يحيبوا وكأتما يؤدتوا دورا رسم لهم

اذن تتزوج بنت عمتك

اسقط في يدي ولكنها بمثابة اختي

دعك من هذا الكلام تكلم معها ثم احكم

ربنا يسهل وتنهي جلسة المحكمة

اذهب للقهوة بصحبة احد الاسلامين القدمي من رفاقي نتكلم في كل السياسية والدين ثم يفتح الموضوع الذي اصبح الموضوع المفضل

لكل من يعرفتي

هو انت مجوزتيش لغاية دوقتي ليه ؟

اجيب ساخرا

في الجنة ان شاء الله

فيخطب في فضل الزواج لمدة ساعة ثم ينهي حديثه بجملة

يا خوفي لماتطلعيش دكر يا برنس

بالطبع احتاج الامر الي حوالي ساعتين لاثبت له انني دكر ولا يسألن احد عن الطريقة التي اثبت له بها

فشرح الطريقة يتفي صفة الادبية عن المدونة ويحولها الي غير ادبية

وانا لا اريد ان يقرا احد من ابنائي الغير شرعيين الذين انجبتهم من تجولي في العالم كلاما خارجا عن النص

لكن مقولته نكدت عليا فعلا

فبعد التأبيد الشديد الذي كسبيته للبنات غادة عبدالعال تعاطف الجميع مع تأخر سن الزواج عند الفتيات لكن المجنمع غير متسامح بالمرة مع الرجل الغير متزوج وهذا نوع من الاستفزاز الغير عادي وعلي الرجل ان يتهور في زواجة غير متكافئة او يتباهي بعلاقات غير المشروعة حتي يخرج من هذا المطب

واصلوا الرقص الويسكي في الطريق الله معكم

ياتري مين الغبي هنا ؟؟

اعود للبيت لاجد من يهاتفني انها دعاء صديقة ملك ودعاء هذا استريح اليه كثيرا فهي تعمل صحفية بالقطعة مثقفة وذكية ولا يعبيها الا صداقتها لملك هذي

المهم تكلم في عدة امور ثم سالتني بلهجة اردتها عابرة وبرئية وان كانت لم تسطع ان تخفي لهفتها

احمد هو انت متجوزتيش ليه ؟

ادركت انها تريد تسليمي لملك

اجابتها متقمصا شخصية عبدالعال في ريا وسكينة

حتي اقطع عليها الطريق

وديه منين البهمية الحمارة ديه ؟

التقطت الخيط مني ايه ؟ الحمارة البهمية

الملافظ سعد يا عيد العال

ثم قالت لا عليك

انا عندي واحدة

اجبتها في تحفز

وانا لا اتزوج بهائم

احمد ممكن نتاقش بموضوعية ؟

لا مش ممكن

طب ليه كده ؟

عشان كده ؟

وعشان مش هتفهمني

لا أتكلم وهافهمك

ملك مش تنفعني دعاء

دهشت برهة لم تكن تتوقع انني كشفتها منذ اللحظة الاولي وهي تسأل ولماذا ؟ ماذا ينقصها ؟

لا مفيش بس مفيش كيميا دعاء

طيب مش عايز تتجوز غيرها ليه ؟

اوك دعاء هاقولك علي سر بس توعديني مش تقولي لحد

قول

وكان الجواب انني اعطيتها لينك مدونتي السرية

وفي المساء استدعني مجلس العائلة ليحقق معي في تهمة القيام باعمال غير نشروعة علي شبكة الانترنت

شكرا يا دعاء انتي فعلا كاتمة اسرار

تذكرت لحظتها المغني العبقري الذي قال

شافني واقف في البلكونة

قام حدفني بالليمونة

قولت ديه حاجة مش مضمونة

انني اسيب قلبي

في ايده

======================================

وصلوا الرقص

الويسكي في الطريق

الله معكم

======================================

لا أتذكر من القائل ان الزواج الناجح هو الذي يتم بين اثنين احدهما يحب صدر الدجاجة

والآخر لا يحب صدر الدجاجة

لو كانوا الاثين يحبون صدر الدجاجة لصارت مشكلة

لكني مستعد ان اتنازل عن كل صدور الدجاج في الكون لك

=======================================

واصلوا الرقص

الويسكي في الطريق

ربنا يوافقكم

=======================================

نسرين حقا انني اتعذب

قربت ابور خالص

اظهري بالله عليكي