مطلوبة سكرتيرة
بها أربع صفات من نسرين
skip to main |
skip to sidebar
يا نجمة كل ما ضيها يلمس حجر يعلي ويتحول قمر باكتب حروف اسمك بحبات الندي علي كل اوراق الشجر
ميليشيات نسرينية
صوابع نسرين زي صوابع زينب كده
قسم
نسرين موجودة هناك
- أرق نجمة واجمل واحدة في اصحاب القمر
- احلي عروسة في الكوكب
- اليساندرا شاعرة وفنانة ورسامة وروعة بجد
- اماني اجدع واحدة في الجنوب
- بتحب الحب اللي جمعنا
- بتحلم في عز البرد زي
- بترفرف بجناحها
- جوهرة وياقوتة وزمردة غالية اوي
- حتة سكر وعسل نحل وشرابات واسمها نها
- د أسماء علي تضئ حياتك ...شكرا ليساندرا
- دعاء اللي جيت عمرة من غير ما تقولي
- دكتور وجدع اوي وسماعته ضايعة
- رفقة عمرنا
- ست الحسن والجمال
- مستنصر بالله وعنده يقين جامد اوي
راسل الساعد
يا زهرة النسرين باشوفك عشانها
اهلا بيكي في مملكة نسرين الخاصة
اذا كنتي انتي نسرين
فانا انتظرك الآن
اذا كنتي انتي نسرين
فانا انتظرك الآن
61 comments:
و اخيرا انا اول تعليق
انا ليا السبق الاول :))
يا ريت متزعلش عشان رفقة عمر مكنتش اول تعليق المرة دى
وتحس بالغربة اكيد مينفعش وانت فى بلدك
بس انت ما قلتش ايه هما الاربع صفات
وحمدالله على سلامتك لارض مصر
سيمون
مصرى متغرب
ليه الندالة دى
ايوة كده على طول ومن غير سلام
لان انا زعلان
مش كان بينا اتفاق اننا نتقابل فى دبى وانت نازل
كده تضرب اتفاقاتك ياراجل
انا زعلان زعلان زعلان وبعدين انا عندى زيارة للبحرين اخر الاسبوع الجاى بس لو عرفتنى كان ممكن اقدمها وكنا اتقابلنا هناك
صحيح هى بلد كلها شارع واحد بس برده كنا هانعرف نتفسح ونقضى وقت كويس
عموما انا لسه زعلان زعلان
طيب ايه هي مواصفات السكرتيرة ما اتكتبتش
:)
افهم من كدة ان حضرتك هاتقيم اقامه دائمه فى القاهره
طالما بتطلب سكرتيره فيها صفات من نسرين
ربنا يقدر لك الخير
وبحقق لك كل امانيك اللهم امين يارب العالمين
اولا حمداله على السلامه ومصر كلها هتنور
ثانيا ربنا يارب يارب والله العظيم بقولها من قلبى يقدرلك الخير انت ونسرين
ويريح قلبك ويطمنك عليها اللهم امين
السلام عليكم
مصر اكييد هتنور برجوعك
وباذن الله تلاقي نسرين
وتلاقي السكرتيرة بس متهيالى انك محتاج توضح معلومات اكتر عن موضوع السكرتيرة
واتمنى لك ولكل زوار مدونتك الخير والسعادة في الدنيا والاخرة
أحلى سلام على الناس الكرام
4
صفات من نسرين ؟..دي صعبة جدا
لأن واضح إن نسرينتك نادرة الوجود عشان تفضل فاكرها بعد كل السنين دي
ثانيا..دعني أعتذر
عن بوست "يوم في شهر مارس
و لأول مرة أعتذر عن بوست كتبته
عشان حسيت إنه سببلك الألم
و أكيد ده شيء لا يرضيني
تحياتي
و أدام الله الود
ماشى
كان مدح ,,يبقى ألف شكر من غير قمصة
عايز اربع صفات من نسرين عشان السكرتيرة طيب ممكن نعكس ؟يعنى اقولك اربع صفات لازم تكون فى أى سكرتيرة
وأكيد حتكون عند نسرين
مش صفات شكلية
1- الكتمان
2-الذكاء وطبعا معاه سرعة البديهة
3-النشاط وسرعة الانجاز
4_اجادة التعامل مع الكمبيوتر مع اللغة
فيه صفات تانية لكن دول بالتحديد اهم صفات فى رأيي لكن بقى لو عايز صفات شكلية تبقى عايز عروسة
مش سكرتيرة
تحياتى وتمنياتى بقضاء اجازة سعيدة بعيدة عن عربيات الكبدة وفيروس سى
ممكن تروح عن ملك الكبدة هو بيروح لواحد اسمه فهمى ورا محطة سيدى جابر فى الاسكندرية خليه يعزمك ويحبشلك الكبدة وعلى مسئوليته الجنائية وبعدين اسلملك عليه ايه شكله حتبرى منى عشان بعارضه ومش بيرد بقالة يجى اسبوعين كده اظاهر اتقبض عليه
السلام عليكم
أنا قرأت أمس بالصدفه مدونتك ياأخي (ساعد نسرين الأيمن) وتأثرت جدا بكم الأحاسيس الصادقة التي تحملها كلماتك بدرجة أنني بكيت ... معقولة في رجال بهذا الوفاء والصدق والإخلاص؟!
أنت فعلا إنسان راقي بمعنى الكلمة وحساس ورقيق جدا وتستهال كل خير وكمان حسيت أن حبيبتك -من خلال حديثك عنها- إنسانة رائعة جداً... يارب يجمعكم على الخير وفي الخير وأتمنى من كل قلبي أن البوست الجاي تبشرنا بلقائك بنسرين.
جمعة مباركة
مريم:)
انت عظيم اوي علي فكرة
حتي في شغلك
مش عارف تنساها
حقيقي حقيقي يا بختها بيك
انت هنا يا مان ؟
انا اصلا خطيبتي بتشتغل سكرتيرة
بس هي اكيد مش فيها حاجة من نسرين
بس في الشغل عندنا في سكرتيرة انما ايه عنب
وانا كلمتها وهي والله عايزة تيجي تعمل مقابلة معك
موافق؟
السلام عليكم " ساعد نسرين "..انا
من قراء ومتابعى مدونتك اللى تتميز بكم الاحاسيس والمشاعر الجميلة اللى من النادر ان الانسان يلاقيها الايام دى
واحييك على الفكرة نفسها اللى اصبحت
من الصعب تداولها الآن
واجمل حاجة فى بوستاتك قد ايه هى بسيطة فى كلماتها لكن عميقة بمشاعرها واحاسيسها وبتوصل بسرعة لقلوبنا
ويا ريت تقبلنى من احد محبى مدونتك
وان شاء الله يجمعك بنصك التانى عن قريب
ومرحبا بيك فى مصر معلش متأخرة
رولى
السلام عليكم
ياااااااااه معقول رجعت
(أحمد... الله على سلامتك)
طيب كده ممكن نقول حاجه من خمس حروف اولها زى اخرها اول تلت حروف منها بمعنى طائر من الطيور الجارحه
وهى نوع من انواع الزهور النادره قوى اوراقها بيضاء وفى الوسط لون اصفر رائحتها ذكيه جدا
نســـــــــــــــــــــرين
يعنى نقول
1-نادره
2-بيضاء
3-صفراء
4-زكيه الرائحه
ممكن نزود.... (5
5-جارحه
نادره الوجود احساس مرهف
بيضاء القلب
غيوره
زكيه
تجرح من يتعرض لك
مش لازم تكون نسرين
لازم تقدر تلاقى نفسك
ناس كتيره فيها نفس الصفات
ادى لنفسك فرصه تنايه بس مش لازم تكون نسرين
مش قصدى اوجعك
بس حاول
لازم تقدر
الحمدلله الذي عافانا مما ابتلاكم به
سيدي الفاضل
اعلانك عن الشركة غااامض
:)
لم تذكر حتى مجال شركتكم
تحياتي لك
صديقي ساعد نسرين
عجبني اوي الفكرة والمزج بين الشغل وبينها
انت فعلا فنان موهوب واصيل وتاتي بكل جديد
آه
لو تسمح بس ممكن ارد علي اخر تعليقان عندك
حاول تلاقي نفسك
حقيقي الله يكون في عونك
انا مشفق عليك جدا
اكيد ساعد نسرين هينفخك في الرد
وهيخليك مش تساوي بصلة
يا بني اتعلم من اللي اتهزوا قبلك
نسرين عنده مقدسة
انت كده بالنسبة ليه كفرت
ودمك حقيقي مش يسوي
انا هاسيبك له
وصدقني مش هيرحمك
كمان المجهول اللي بعده
اللي انا عارف انه قمر الشتاء
احب اقوله
هو مش عشان ساعد نسرين قالك الحمد لله الذي غفانا تجي انت وتقول كده من غير مناسبة
حتي مش لايقة
احترم نفسك وكلمتك
انت قولت انك مش هتيجي تاني
بتجي ليه؟
تماحيك وخالص ؟
اخي ساعد نسرين والله
كان نفسي اربيهم اكتر من كده عشانك
وعشان انا عارف انت حساس اد ايه
وانهوا ممكن تعليقات سخفية تفضل مضايقك
ربنا يقدرك وتلاقي نسرين
عشان عايزين نفرح بقي
امممممممممممممممممم
طب ينفع انا ؟؟
السلام عليكم
غاوى حب
اللى انا قولته ده كان معنى كلمه نسرين ودرو عليها فى القاموس وانت تعرف
وبعدين ساعد نسرين الايمن حيعرف قصدى حتى اسأله
وانا لسه عند كلامى
حاول تلاقى نفسك
وبرضه هو حيعرف قصدى
للأخ غاوي حب
حبيبي انا رديت هنا
وبدأت ردي بـ
الحمدلله الذي عافانا مما ابتلاكم به
وبعدين لا أظن ان صاحب المدونة لا يعرف الرد
وانت تتكهن برده علي وتتكلم على لسانه
أعتقد أن ردك أغبى رد قرأته
لأنك لم تعلق على غموض البوست الخاص بالأخ
يعني بالله أي بنت تتصل على موبايلي عشان اشغلها سكرتيرة معايا في الشركة
(اللي محدش عارف هي شركة ايه )
لا وكمان يكون فيها اربع صفات من نسرين
( اللي الأربع صفات دولت محدش يعرفهم إلا صاحبك )
يعني البنت او الباحثة عن الوظيفة لازم تتصل عشان تاخد فكرة عن الموضوع
ومتعرفش بأه يحصل إيه بعد كده
وعلى فكرة انا لست قمر الشتاء ولا أعرف قمر الشتاء هذا
وأتمنى انه منعلقش بعيد عن موضوع البوست
تحياتي لك ، وتمنياتي لك بعقل أنضج.!
سلاآم
انا كمان باضم صوتي لصوت غاوي حب
أكيد ساعد نسرين هيرد علي الاتين الرخم دول رد فظيع
وانا كمان لي تعليق علي حاول تلاقي نفسك
لو فعلا قصدك النصحية بجد
فساعد نسرين سايب الميل ممكن تنصح بينك وبينه
عشان النصحية علي رؤؤس الاشهاد فضحية
ام البتاع التاني
فواضح انه مش فاهم اي حاجة
وخسارة فيه الرد اساسا
شمشون
انا اللي كتبت التعليقين اللي بتقول انه واضح اني مش فاهم ولاحاجة..!
ممكن تفهمني يافهيم.!
ممكن حضرتك تفهمني ايه اللي انت فهمته من البوست الغامض ده
الشركة مجالها إيه
ومتطلبات الوظيفة
( المؤهلات ـ أو المواصفات )
سلاآم
انا من وجهة نظرى ان حاول تلاقى نفسك والصراحة راحة الاتنين مش غلطوا فى حاجة وبالعكس لكل منهم رأى ويحترم ويا ريت نحترم آراء بعض
الاختلاف فى الرأى لا يفسد للود قضية
يا شباب
يا بنات
عارفين ساعد نسرين سيبكوا تتخانقوا
ومش بيرد عليكم ليه ؟
عشان في خبر سعيد جدا
جدا
جدا
ساعد نسرين
خلاص لقي نسرين
والخبر التانى ان الخبر ده
اكيد كدبة ابريل
:)))
الف الف مبروك
يا عد نسرين انك لقيت نسرين
طيب مش تفرحنا معك يا عم
الف الف مبروووووووووووووك يا ساعد نسرين
والله انا مش مصدقة نفسي
بجد بجد انا قربت اعيط
احكي لينا كل حاجة بقي
وخلي نسرين تكتب لينا بليز
شوفت بقي الدعاء بيعمل ايه؟
طيب ايه صفات نسرين ؟
السلام عليكم
يارب يكون الخبر ده صحيح
بس انا متهيألي ان ساعد نسرين كان هيقولنا علبي طول
علشان يطمنا عليه ويفرحنا
وربنا يقدمله كل خير هو و نسرين
سيمون
اهلا المعلقة السرية الخفية الذكية الشقية الصبية الشهية العبقرية
اللي احلي من المهلبية
من اجلك فقط ساقول لك علي اربع صفات بها
الحنان
الذكاء
القدرة علي الاحتواء
الصبر
وياريت محدش يسالني ليه المفروضة تكون السكرتيرة حنينة
هو كده
انا عاوزرة سكرتيرة كده
هو مفيش كده ؟
ولا ايه ؟
مصري مغترب باشا
والله غصب من عني
انا عرفت اني مسافر قبل ميعاد سفري بست ساعات بس
واهلي والله مش عرفوا غير وهم بيفتحوا ليا الباب
يارب تكون المالكمة خليتك تعذرني
وبعدين ديه مش اجازتي ان شاء الله اشوفك في الصيف ده
علي العموم
مش تزعل
مش تزعل
مش تزعل
انا روحت المنصورة والله
لاول مرة في حياتي
وكان نفسي اشوفك هناك
بس ايه ياعم القمرات اللي في المنصورة دول
دانت شفت نعيم كتير في شبابك
مش زينا هنا
كل حاجة سوداة
سماح بقي
وشكرا لنصايحك الغالية
سنووايت
انتي فين من زمان اصلا ؟
لسه بتركبي المترو
عارفة انا ركبت المترو في اجازتي مرة واحد وكان نفسي اوي اشوفك ولو صدفة
تخيلي بقي لو كنتي قلبتيني انا بدل ميس م او البت بتاعة المنديل
مش كان زماني في بوست عندك باسمي
يللا ملحوقة باذن الله
صفات ؟
هو انتي لسه بتسالي
طيب يا ستي انا هاقولك رغم انك من قراء المدونة والمفروضة تكوني عارفة
الرقة
المهارة
التضحية
البساطة
يارب تدللني علي حد بقي
رفقة عمر
يارب تاااني
غربة تاااني
يا بنتي حرام عليكي
انا غدة الشعور بالغربة عندي قربت تحترق
مينفعش الواحد يفضل حاسس بالغربة 24 ساعة في اليوم في 365 يوم في السنة
لازم يفصل شوية
ده حتي التلاجة بتفصل
وانتي مستخسرة فيا ده ؟
طب ليه ؟
ما علينا
لا يا ستي مش هاقيم في مصر اقامة دايما
الحق انني تركت مصر لانها لم تحبني كما احبها
لانها ضاقت بامثالي
حاليا متهاليهي لي بقي صعب
حتي نسرين شكلها سابت مصر
رفقة عمر
طبعا احب اشكرك علي كل الدعم المعنوي اللي قدميته ليا بعد الحملة اللي اتشنت ضدي
فحقيقي وجودك قادر علي تحلية مياه المحيط باكمله
فشكرا لوجودك دائما
وربنا يخليكي ليا
ويخلي ليا دعواتك الصادقة الدافئة
رفقة عمر
انتي بجد رفقة عمر
مدونة من اجل الحب
علي فكرة انت من الناس اللي بجد نفسي اوي اشوفهم في الواقع واقترب من عالمهم الجميل
عارفة ؟
انا لما نزلت مصر كان نفسي اشوف كل الناس اللي بتيجي هنا
بس للاسف حتي ولاد خالتي والله مش شوفتهم خالص
يا جماعة لو في اي تجمعات للمدونين المصريين ابقي قولوا او رتبوا معي
علي العموم ان شاء الله في الجازة الجاية
نفسي اشوف كل الناس اللي بتصنع كل هذا الجمال علي النت
يارب يكتب لي اللقاء بيهم في الدنيا
عشان في الاخرة انا غالبا هاخش النار لو لم يرحمني الله
فيارب اقبلهم في الدنيا
وشكرا علي دعواتك
صدقيني والله حسيت انها من قلبك
ربنا يخلي لينا قلبك الجميل ده
اللي لو استنسخ منه 5 فقط
لانتهت الحروب من الدنيا
وربنا يريح قلبك
يارب
والله بقولها من قلبي
هبة الله
بجد بجد انا مش متخيل شكل المدونة من غيرك هبة الله
فانتي تاتي لتنوري لي المدونة دائما
عارفة لما كنت في الطائرة
وعدنا علي اسكندرية
لقيت حاجة جميلة منورة اوي وظاهرة اوي
فقلت اكييييييييييد ديه هبة الله
بس الطيار منه لله مش رضي ينزل شوية عشان اسلم عليكي
لكن المرة اللي جاية هاخليه ينزل حتي لو اضطرت اختطف الطائرة
احنا عندنا كم هبة الله
ديه هية واحد بس للاسف
عايزني اوضح اكتر في موضوع السكرتيرة ؟
حسنا
من اجلك فقط ساقول لك اربع صفات منها
ان تكون
تقية
نقية
آبية
اصيلة
يارب أكون اوضحت
ويارب القي بقي
wanna b a bride
اشرقي يا زهور
غردي يا طيور
برايد بنفسها عندنا
ياد النور ياد النور
الأول احب اقولك
سيّدتي ! عندي في الدفترْ
ترقصُ آلافُ الكلمات
واحدةٌ في ثوبٍ أصفَرْ
واحدةٌ في ثوبٍ أحمَرْ
يحرقُ أطرافَ الصفحاتِ
أنا لستُ وحيداً في الدنيا
عائلتي .. حُزْمةُ أبيات
أنا شاعرُ حُبٍّ جَوَّالٌ
تعرفُهُ كلُّ الشُرُفاتِ
تعرفهُ كلُّ الحُلْوَاتِ
عندي للحبِّ تعابيرٌ
ما مرَّتْ في بال دواة
الشمسُ فتحتُ نوافذَها
و تركتُ هنالكَ مرساتي
و قطعتُ بحاراً .. و بحاراً
أنبشُ أعماقَ الموجاتِ
أبحثُ في جوف الصَدَفاتِ
عن حرفٍ كالقمر الأخضرْ
أهديهِ لعينيْ مولاتي
*
سيِّدتي ! في هذا الدفترْ
تجدينَ ألوفَ الكلمات
الأبيضَ منها و .. و الأحمَرْ
الأزرقَ منها و .. و الأصفَرْ
لكنَّكِ .. يا قمري الأخضَرْ
أحلى من كلِّ الكلماتِ
أكبرُ من كُلِّ الكلماتِ ..
قصيدة : أكبر من كل الكلمات
للشاعر : نزار قباني
كلاكيت سكوت اكشن
احلي سلام وتحية لاجل وارق مدونة في جمهورية مصر العربية
والوحيدة اللي ممكن تعمل من الفسيخ مهلبية
ياااااااااااااه بجد يا برايد لما بشوفك بحس انه لسه فيخير في الدنيا ديه
عارفة ؟
كمان اقولك علي حاجة ؟
مش عارف ليه لما تيجي علي بالي افتكر اغنية ارايبسك
يمكن عشان انتي شخصية مصرية اصيلة زي ما كان هو
مش عارف بالضبط
بس اللي عارفه انني بحب الاغنية ديه جدا
ولابد ان العقل الباطن بتاعي عمل ليها رابط مع حاجة تانية بحبها
يا سلااااااااااااااااام
اربع صفات صعبة عليكي
دانتي فيك علي الاقل 658420328532854654651552400208
صفة حلوة من نسرين
انتي من نفس العجينة يا بنتي
انتي فعلا كان لازم تكوني صيدلانية عشان المريض اول ما يشوفك يخف
والدواء اللي بتركبيه بايدك ممكن يعالج حتي السرطان
ووزيز الصحة اللي مش يرقيك ويزود مرتبك يستحق الاعدام
والعريس اللي يشوف ويضيعك بعد كده لازم كلنا نصلي عليه صلاة الجنازة
يا بنتي والله انتي فلتة من فلتات الزمان
أكيد بتكم ده عبارة عن مصنع لحلاوة المولد عشان يخرج ليناالجمال ده
بس من اجلك انت انا هاقولك اربع صفات فيها
لطيفة
جميلة
كريمة
رحيمة
برايد
بعتذري العفو يا فندم
بعتذري علي ايه ؟
شوية الم بسطة ورحوا وانتي ليك رصيد لاينفذ ابدا من السعادة اللي محدودة اللي انتي اديتهني
انا طبعا مسامحك عل يالبوستات ده
وعلي كل البوستات اللي جاية لو كان فيها حاجة تجرح
برايد عارف ؟
انا مش ممكن انسي فضل اي حد عليا
ولو كان فيا صفة واحدة كويس فهي صفة العرفان بالجميل
وانا حقا مدين ليكي بالكثير والكثير
فانا مدين لماضيي التدويني لثلاث مدونات وصحفية
الصحفية هي امينة خيري اللي عرفتني اصلا انه فيه حاجة اسمها مدونات
ومدين ليك بالاسم عشان انتي اللي خلتني احس اد ايه العالم الافتراضي جميل
ومنحتني عالم بديل
ومدين لنوراة نجم واللي انا انشئت المدونة ديه عشان مرة حبيت اعلق عندها وهي مش كانت بتسمح الا بتعليق الناس اللي عندهم مدونات
ومدين باستمراري لرفقة عمر اللي شجعتني ودعمتني بجد
برايد
انا كنت زعلان عشان انتي مش ادتيني نسخة من الكتاب رغم انك وعدتني
وكنت وزعلان عشان انتي مش علقتي في بوست انا وبرايد وتيتو وخايف تكون اصلا مش شوفتيه
بس ملحوقة
لازمي تقوليلي ليا علي طريق تديني بها نسخة
اقولك نعمل مقايضاة
انتي تديني نسخة من الكتاب متوقعة
وانا اجيب ليك مية زمزم اتفقنا ؟
انستيتنا وشرفتينا ونورتينا وكترتينا
ربنا يديم المعروف
وشكرا لنسرين اوي انها كانت سبب انني اعرفك
عارفة لازم احبها اكتر
مجداوية
كان مدح طبعا
والله كان قصدي مدح
يافندم اعكس براحتك
انتي مسموحة ليكي تمشي في مدونتي في كل الاتجاهات
الصفات اللي انتي قولتيها ديه مطلوبة طبعا
وهازود عليها صفة كمان
الاحساس بالامان
لازم الواحد يحس بالامان مع السكرتيرة
لازم يحس انه ممكن يديها ظهره باطئمان
عارفة يا مجداواية
زمان ايام الجامعة
لما كنت بوزع منشورات
كنت بوزع منشورات واجري اروح عندها عشان احس بالدف والامان
واحس اني محدش ممكن يعمل ليا حاجة وهي معايا
كبدة
والله ما كلت اي كبدة طوال الاجازة
تخيلي ؟
رغم انني نفسي فيها اوي
العربية البلدية شلتها عشان الواد مش يرضي يزود الاتاوة اللي كان بيدافعها
واتعمل بدلها نصبة شاي وبيع بانجو
وبكده كسبت الحكومة زيادة الاتاوة
وكسب الشباب البانجو
ونفذت انا من اي وباءات في الكبد
ملك الكبدة سلمي ليا عليه طبعا
لغاية لما ازوره
والاجازة الجاية اللي في الصيف ديه
تتبدورا لينا يوم ف اسكندراية هناك
بس تأمني كل حاجة
مش عايزينا نثبت تاااااااااني
تحياتي
وادام الله الود بينا
مريم
ثلاث جوايز يا مريم عشان الراء والياء
وعشان نسرين وانا لاكنا بنفكر نسمي بنتنا مريم
ياليت تحكي لي عن الصدفة اللي خلتك تنورينا
ويارب تكون الصدفة ديه زي كل الصدف اللي هتيجي في حياتك صدفة حلوة
والله يا مريم انا اللي آتاثرت اوي لما قرأيت تعليقك
بجد انا قدرت انني اخلي الناس تحسي بوفائي لنسرين
ده بجد احلي وسام علي صدري
وشكرا ليكي مرة تانية انك حسيت بالحب اللي جوايا ليها
وانتي اللي راقية ورقيقة وجميلة
بجد اخجلتي تواضعنا
اكثر ما اعجبني في كلامك بقي
انك شوفتي صورة تقريبية لنسرين
لكن صدقني الاصل احلي بكتير جدا
ربنا يكتب لي ويكتب ليك وتشوفي الاصل ده
ومهما قولت ومها عملمت بجد مش هاعرف اوصف نسرين
نسرين اللي بجد احلي من احلام الاطفال
وارق من النسيم
مريم بجد انتب خلتي ذكريات كتيرة تصحي جوايا
هحاول اجمعها في بوست
شكرا لالهامك لي
وشاتمني وجودك دائما مريم
سما
وانتي رقيقة اوي علي فكرة
وبتاخدي بالك من الحاجات اللي في الجون
تحياتي
وتقديري
شمشون
انت بتخذي العين عن خطبيتك ولا ايه ؟
اممممممم
عندكم سكرتيرة في الشغل
وعايزة تيجي كمان
وياتري قولت ليها عني ايه يا فالح
مانا عارف توريطاتك الذكية
علي العموم
محدش نجح لسه
بس يا ريت مش تطلع مجايباك
زي مجايب طنط حشرية واونكل ديسكو كده
اتمني ذلك
دكتورة رولي
انا فخور اوي انك من قراء مدونتي
فمدونتي علي بساطتها
تجذب الصفوة
اكثر ما تجذب العامة
فحيقي بجد انا فخورة اني لدي قارئة ومصححي مثلك
يا دكتورة
وطبعا انا يشرفني انك تكوني من القراء
والكتاب كمان
انتي ناسية انك صاحبة فضل علي المدونة
فياما صلحتي غلطات مطبعية في البوسات
وانا لن انسي لك هذا ابدا
وكمان صاحبة فضل علي صاحب المدونة شخصيا
فالمحفظة لا تزال في جيبه
شكرا لوجودك دائما
دكتورة رولي
انا باعتذر انى مش قدرت اعمل اللى طلبته منى حسيت
ان مجرد الرد علييهم دة فى حد ذاته يعطيهم اهميه سعيدة لعودتك لمدونتك مره اخرى
ويارب دايما بتعبر عن شعورى بكل حريه
وتعلمنا معنى الوفاء والاخلاص النادرين قوى فى الزمن دة
اتمنى من يدخل هذه المدونه الراقيه فى المشاعر ان تحترم مشاعر صاحب المدونه
ولا تحجر عليه كل انسان حر فى التعبير عن احساسه
وياريت نتعلم منه الاخلاص والوفاء والمشاعر والحب الحقيقى
استاذ احمد اكتب كما يحلو لك
عبر عن مشاعرك بالكيفيه التى
تريدها نحن ننتظر بوستاتك
لنتعلم منها الرومانسيه والمشاعر الصادقه
قيس اصبح من مشاهير التاريخ من حبه لليلى وحضرتك قيس هذا الزمان
ربنا يديم عليك قلبك الكبير
ويسعدك بلقاء نسرينك
اللهم امين
حاول تلاقي نفسك
في قصة ل هـ ج ويلز
اسمها بلد العميان
القصة ديه كانت بتحكي عن مستكشف تاه ولقي نفس في بلاد كل ساكنها عميان
واضطر يعيش معهم
وحبهم
وطالبوا منه عشان يبقي واحد منهم
انه يخليهم يفقعوا عينه
طبعا هو رفض وهرب
الشاهد من القصة انه كان سليم وسط مجتمع شاذ
هكذا انا
انا شايفهما بجد ادامي
ومش ممكن الفي نفسي الا معها
وبعد بجد حرام عليكي
انت تقصد ايه بتعليقك
انك تقول كلام ظاهره الرحمة وباطنه العذا
بعدين انا اقولك اه والله معك حق
واقفل المدونة
مش بجد حرام عليك
علي فكرة انا مش محبتيش ارد عليك وانا متنرفز حالص وده بس اللي
آخراني في الرد
وعلي فكرة
مش هحاول
ومش عايز اقدر
الغبي اللي معلق وكاتب دعاء
اولا ده من باب استغلال الدعاء في غير موضوعه
عشان حضرتك مش عارف الدعاء ده بيتقال امتي؟
وانت عايز يكون الاعلان مش غامض ليه
هو انت تنفع ببصلة اساسا ؟
غاوي حب
شكرا لك يا صديقي العزيز
حقيقي بوجودك بحس انني محمي
وتسلم ايديك ويسلم لسانك علي كل حرف قولته
ونردلها ليك ف الافراح ان شاء الله
وياليت بجد تعمل مدونة
سحر
اممممممممممممممممممممم
تنفعي بنسبة 40 % ع
حاول تلاقي نفسك
لا ياسيدي
انا مش عارف قصدك
وانت مين جبت الثقة ديه اني هاعرف
ابقي وضح
علي فكرة
انا عندي شك انك حد بعينه
طب انت عارف انا قصدني علي مين
بس لو انت ده
طب ليه مش عندك الشجاعة انك تتكلم بلسانك
اسهل حاجة انك تكسر ازاز وتجري
الصعب انك تقول كسرته ليه؟
مش كده ؟
اكيد فاهمني طبعا
المجهول الغبي اللي معلق ده
اولا انت مال اهلك غاوي خب يعلق في موضوع البوست ولا لا ؟
هو كان بوست اهلك
انا يا اسطي بارحب بالتعليقات اللي بعيدة عن البوست
انت تيجي هنا بادبك
مش تجي تدي اوامر للناس المحترمة اللي هنا
ثانيا انت اللي تعليقاتك غبية والنعمة
انت عايز تعرف هي شركة ايه ليش؟
هو انت معك توكيل باسم الباحثات عن وظيفة
ولا عايز توظف حد من طرفك
اتطمن مفيش حد اي حد من طرفك ينفع
اساسا عشان ساعات التخلف العقلي بيكون معدي بالمعرفة وانا محبيش اتعامل مع ناس متخلفة زيك
بجد بجدانت غبي جدا
آه بالمناسبة
اذهب الي الجحيم
شمشون
حامي حمي المدونة
والجناح العسكري الخاص
انت فين يا بني ليك وحشة والله
شكرا يا مان ع الوقفة
وان شاء نردها ليك في اي خناقة
بس انت اتضرب كده
وشوف ساعد نسرين هيعمل ليك ايه ؟
لا بجد حقيقي انا ممتن ليك
الصراحة راحة
كلاكيت تاني مرة
اذهب الي الجحيم
مجهول؟
وجهة نظر برضه ؟
هو فيه منك كتير ؟
انا كنت سمعت ان الصنف ده شاحح
فتوح ابو المفاتيح السبعة
اكره ان تكون مشاعري عرضة ان تكون كذبة
كما اكره كذبك والكذبين جميعا
مجهول
انت بتفهم الكذب بسرعة ؟
يا تري عشان انت خبير دولي في الكذب مثلا ؟
ياليت تبقي تدور علي حتة تانية تكذب فيها
سيمون
حتي انتي وقعت في الفخ ؟
طبعا لو كان حصل
كنت انتي من اوائل الناس اللي هيعرفوا
شروق
مش ممكن انتي كمان تقعي ف الفخ بسهولة كده ؟
للدرجة ديه فاكريني اناناني
وممكن افرح لوحدي؟
الله يسامحك
raspoutine
صفات نسرين ؟
صفات كتيرة جدا جدا جدا
اقولك ايه يا بني ولا اقول ايه ؟
لكن من اجلك فقط
ساقول لك علي اربع صفات بها
ارق من النسيم
احلي من احلام الاطفال
ازهد من رابعة العدوية
وانقي من الماس
ويارب اعيش لغاية لما احكي عن كل صفاتها يا رب
الرائعة هبة الله
اعجبني ثقتك بيا
وانك لم تسقطين في الفخ
هبة الله
حقا احيانا اصادف تعليقاتك من اغبي ما يكون من ناس مجهولة زي ما انتي شايفة
عايزك كل ما تشوفي تعليق تحسي انه هيضايقني
تعرفي انني باستحمله عشانك
عاشن انا ممكن امنع كل التعليقات المجهولة
بس عشان فيه ناس محترمين زيك بيعلقوا
من غير ما يكون عندهم مدونات انا مضطرة اسيبها مفتوحة
علما بانني والله لا يهمني الانتشار بقدر ما يهمني نوعية الناس اللي بتقرا ليا
هبة الله
اشكرا لثقتك الغالية
وبحيي شعورك وحسن ظنك بي
هبة الله
الحمد الله علي وجودك دائما
تشكر يامان على كلامك الحلو
بجد حقيقي
أثبت لي حقيقة إنك ازاي شخص محترم وراقي
متشكر يامحترم
على فكرة دى مش انا
انا معلقتش تانى هو تعليقى اللى فى الاول بس
التعليق التانى ده مش انا يا ساعد نسرين
انا موقعتش فى الفخ ولا حاجة
سيمون
الصراحة راحة
اي خدمة يا مان
تعالي في اي وقت
واقولك نفس الكلام
سيمون
والله براواة عليكي يا سيمون
ده العشم برضه
Post a Comment