احمد السقا واقف مع عمرو واكد وهو بيدي ليه الملف اللي هيودي خالد صالح في داهية
تحسبا انه يحصل لاحمد السقا اي شي
قاله الجملة ديه
طول ما انا في السجن مقرايتش غير قصة واحدة قرايتها يمكن اكتر من 100 مرة
القصة كانت بتحكي عن واحد كان عايز يوصل لكنز ولما وصل اكتشف ان الكنز الحقيقي كان في الناس اللي عرفها في رحلته للوصول للكنز
وبرغم اني لسه مش وصلت للكنز لكن اعترف اني قابلت ناس في طريقي
ناس اعتبارهم كنز في حد ذاتهم
ناس محترمون مهذبون مثقفون عايزين يتزوجون
طبعا علي راس هؤلاء الناس
انسانة رقيقة رائعة حانية جميلة خطيرة ودودة طيبة دمها خفيف وعقلها نظيف
و ..... و ...... و فيها صفات كثيرة كلها صفات رائعة
هي برايد
برايد
أميرة الاقمار السبعة
والشهيرة في عالم المدونات
برايد
التي تجعل العالم اجمل بنشرها بوست رائع جديد
برايد
التي تتحدث عن مشاكلنا وعيوبنا بطريقة صلاح جاهين
برايد
التي وعدتني بنسخة من كتابها االلي اتمسح من فوق كل الرفوف سريعا وسريعا جدا
برايد
الميلونيرة اللي هتبقي اغني من الست بتاعة هاري بوتر
واشهر من اجازة كريستي
واكثر تاثيرا من امينة خيري
برايد
اللي انا وجهت ليه شكر في اول بوست اكتبه مدونتي
واللي موقع مدونته اول موقع ضفته عندي في البلوج
ولو تلاحظوا انني ضيفها رغم انها مش نسرين
لكن حقيقي في معظم صفات الوطن النسريني
تخيلوا برايد تلك الرائعة
بتدخل مدونتي
وكمان بتعلق عندي
يا حلولي يا حلولي
برايد اللي الناس بتدفع فلوس عشان تشتري الكلام اللي هي كتبه
بتعلق عندي
ايه الروعة ديه
يعني بحسبة بسيطة كده
كتاب برايد ب15 جنيه
وهي كتبت عندي اربع سطور
يعني بحوالي جنيه ونصف
يعني ا حد يقرا تعليقاها عندي
يبقي مدين لها بجنيه ونصف
يبقي مدين لها
زي ما انا مدين لها بلحظات جميلة رائعة
والان نري ماذا كتبت تلك الرائعة
يا نسريناتك
:)إيه الشاعرية و الرومانسية دي كلها؟
نسرين دي كان نظرها ضعيف والا إيه؟
صحيح الناس ماتعرفش النعمة غير لما تزول
يا نسريناتك
احلي كلمة كان نفسي اسمعها وسمعتها منك
عارفة برايد ؟
انا كنت هاسمي المدونة نسرينات عشان بجد الناس تقول لي يا نسرياتك
انتي ازاي عرفتي ده ؟
شاعرية ورومانسية ايه يا فندم ده بعض ماعندكم والله
انتي اشعر واشهر واكثر رومانسية
نسرين ديه مش كان نظرها ضعيف خالص خالص
عارفة برايد؟
انا فضلت لغاية لما كنت في ثالثة جامعة والله كنت فاكر اني عيني لونها اسود
نسرين هي اول واحدة قالت لي اني عيني لونها بني والله
تخيلي
انا كنت باخد كل معلوماتي عني نفسي منها هي
-عارفة طمني عليا من نظرة عينك بتاعة شاني هاكر زي هاني شاكر كده - هو ده بالضبط
صحيح الناس مبتعرفش النعمة غير لما تزول
علي اساس انني انا اللي زولت يعني ولا ايه ؟؟
برايد
حقيقي شكرا لك اللي بتعمليه ليا ولكل الناس
وشكر انك بتخلي عالم النت بعد ما تدخليه عالم اجمل بكتير من قبل ما تدخليه
وشكر لمدونتك اللي
تعتبر صدقة جارية وعلم ينتفع به
43 comments:
حمد لله على سلامتك
ليه الغيبه الطويله دى
ربنا ييسر لك كل خير اللهم امين يارب العالمين
ياااااااااااااه أخيرا ظهرت وليس أخرا
لو كنا نعرف كده كنا خلينا برايد تعلق من زماااان
حمد لله على السلامة...
فعلا كل كلماتك بمعانيها صحيحة الكنز الحقيقى هو الناس وحضرتك من ضمن الكنوز الثمينة دى
لك منى كل السلام والاحترام
سيمون
يااااااااااااااااااااااه
عارف؟
انا اد ايه مبسوطة ان لسه فيه ناس في الدنيا مخلصين زيك كده والله
انت مش نسيت نسرين رغم انكمش شوفتها من اكتر من 7 سنوات
ومشنسيت كلام تيتو المؤثر
وكمان مش نسيت ترد بطريقةجلمانية علي برايد
بجد اللي زيك قليل في الزمن اللي احنا فيه ده
تحياتي
شروق
يابني انت بجدموهبة
بس ليه مضيع نفسك وبتكتب حاجات زي كده
لوكتبت بطريقة جادة متهاليهي هتكسب كتيرة
عايزينك تتكلم في السياسة
في حسني
في الكورة
بس بجد ربنا يوافقك في اي حاجة
واي مكان
الا مين امينة خيري ديه ؟
hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh
هههههههههههههههههههه
الا وفيه واحد بيسالك ويقولك مين امينة خيري ديه
يابني انا عديت بالصدفة
وقرايت البلوج كله
ولغاية دوقتي
مش عارف مين ساعد نسرين ده ؟
ومين نسرين اساسا ؟
ومين برايد؟
ومين امينة خيري؟
يمكن الوحيد اللي عرفته في البلوج كله
هو خالد صالح
عشان شوفت الفيلم بتاعه في فرنسا
هو انت هترجع تتاخر تاني ولا ايه ؟
ماشي ياسيدي
نحن نشكر برايد
ونشكر تعليقها اللي خلاك تكتب بوست
ياللا فين الكلمات القليلة جدا اللي فيها معاني كتيرة جدا؟؟
انا بحبها جدا
في الإنتظار
:)
اممممممممممممممممم
انا اول مره اجي هنا وبالتالي اول مره اعلق
الاول وقبل اي شئ اكييييييييييييييييد مش انا نسرين اللي انت بدور عليها ابدا
مش عرفه مين فيكم اللي كان السبب بس بتالم قوووووي لما بشوف حب كدا ويكون ضاع
يمكن بحس الحجات ده قووووي لاني تعايشت معاها
ربنا يقسملك الخير مع نسرين ويرجعهالك
وليك عليا كل مشوف واحده اسمها نسرين اسئلها اذا كانت تعرفك وهقولك
:)
وانت كنت فاكر ان عينك سوداء ليه ؟
مرايات بيتكم كلها مكسرة ؟
مصرى متغرب
احمد باشا
اخبارك ايه واحشنى والله اولا اما ثانيا مدونتك جامده جدا يامان وعلى رأى العزيزة برايد يا رومانسياتك ويا نسرينياتك
طبعا احنا لنا كلام تانى مع بعض تليفونيا بس انا حبيت ابارك لك على المدونه رغم انها متأخرة
وعندك حق فى كل كلمة قولتها على برايد الانسانه دى مالهاش حل
ربنا يرزقها بابن الحلال الى يستاهلها
سلام مؤقت
السلام عليكم....
اود فى البدايه ان اهنيك على تلك النافذة التى فتحتها لنا كى تطلعنا ان هناك ماذال حب واخلاص رغم مرور السنوات الطوال..
وبرغم اننى قرات تعليقات كثيره لك فى مدونات عديده واتضح من خلال اسطرك ورشاقت معانيك انك على قدر كبير من الثقافة وسعة الاطلاع وبالاضافة لخفة ظل لا تنكر عليك الا انك كالكثيرين الذين يعتقد الناس انهم يرقصون طريا وهم فى الاصل يرقصون كما ترقص الطير عند ذبحها...
ولكن احب ان اذكرك بما تغنى به كاظم الساهر( ان الانسان بلاحزن ذكرى انسان)
ال الملتقى
هو انت طلع اسمك احمد ؟
دانا كنت فاكرك مسيحي
اولا انا باشكر كل الناس اللي جم عندنا هنا اللي علقوا واللي مش علقوا
ثانيا اعتذر عن عدم الانتظام في
الكتابة وذلك لان الكتابة عندي مرتبطة بالدورة المزاجية المتقلبة للساعد والمعرضة للانخفاض نتيجة لعوامل الغربة والبعد عن نسرين والابراج الفلكية وعمليات القاعدة في الجزائر
دعك من انني اعمل اكثر من اثنا عشر ساعة متواصلة في اليوم
مع اسوأ تشكيلة ممكنة من البشر
فارجو ان تلتمسوا لي العذر فانتم حقا ما يجعلني استمر
وانتم من يمنحني الوقود الروحي للتقدم
فحقا كانت معرفتي بيكم من خلال عالم التدوين هي وش السعد عليا
فمنذ ان نشرت اخر بوست وحدثت بعض الاحداث السعيدة التي اود ان اشاركم فيها فمش معقولة اجعلكم تشاركونني احزاني فقط
اكتر حاجة سعيدة حصلت لي بالاضافة الي ان نسرين صاحبة مدونة رفرف يا طير الحرية علقت عندي وتقربيا انا مغمي عليا من ساعتها
انني اصبح عما للمرة الثانية
فلقد رزق الله اخي الاصغر بنوران وهي اجمل بنوتة في الدنيا
وزي مانتوا شايفين فيها تلات حروف من نسرين وبدون تدخل مني يبدو ان العائلة عندنا كلها لديها ضعف شديد اما النون والراء
وبالمناسبة اخي الاصغر متزوج وانا لا والسبب معروف متهاليي
ايضا من الاخبار السعيدة ان برايد صديقتي العزيزة التي اتمني ان يوافقها الله في كل حياتها بقيت مشهورة طحن وبقيت بتطلع في التليفزيون والراديو والفيديو كمان ونزلت علي اليوتيوب
وكله علي ودنه
وانا بالتاكيد عذرها جدا انها مشغولة عننا وربنا دايما يوافقها ويديها علي اد نيتها
ايضا طبعا من الاخبار السعيدة ان مصر خدت كاس افريقيا متتصوريشوا حاجة زي ديه ازاي رفعت معنويتنا هنا في الغربة
وحتي طريقة معاملة الناس لينا هنابقيت اكثر ودودية فبجد كانت حاجة تفرح وتشرف
لكن الصراحة في كل هذا الظروف دائما لم تكن فرحتي خالصة
ثمة شيئا ينقص المعادلة
ملاك اسمه نسرين
لم يكن موجودا ليشاركني فرحتي
وانتوا عارفين طبعا ان ساعة الفرحة الواحد بيدور علي اقرب الناس اليه عشان يشاركوه فرحته
عشان كده انا نفسي اهي كل لحظات الفرح اللي في العالم لذاك الكائن النوراني
لذاك الملاك
نسرين
رفقة عمر
عارفة ؟
انتي من اوائل الناس اللي دشنوالدي مفهوم السعادة الالكترونية
فبجد دايما بكون سعيد وانابقرا تعليقاتك عندي
او وانا باعلق عندك
او وانا بقرا بوست جديد ليك في مدونتك
انت اللي غايبة بقي ليكي فترة طويلة ليش ؟
ولو مرة كتبت بوست ومش كونت اول واحدة علقتي بحس بغربة
وشكرا لدعائك ليا
فعلا بحس انك بجد صادقة فيه
وربنا يرزقك الجنة باخلاصك في الدعاء
يا اشطر بنت في معهد الدعاة
رفقة عمر
انتي بجد رفقة عمر
سيمون
انا بحيي شعورك جدا
وعلي فكرة انتي من الناس المحترمين اوي اللي بيدخلوا عندي المدونة وكلامك دايما بيساهم في ارتفاع روحي المعنوية
عجبتني يااااااااااه بتاعتك اوي
وباشكرك انك قولتي عليا انني كنز من ضمن الكنوز
لكن زي ما اتفقنا لو انا كنز
انتي تلات كنوز في بعض
وبجد بجد انتي خلتيني احب سيمون اللي بتغني اكتر
شروق
برضه عاجبتني يااااااااه بتاعتك
انتي بتغشي من سيمون ولا ايه
انا بجد موش بانسي اي حاجة عادية حصلتي لي
ذكريات طفولتي كلها / دورس الجغرافيا بتاعة ثالثة اعدادي/ بوجي وطمطم وطماطم/ التشيرت البرتقالي اللي كنت لابسه يوم ما وقت من علي العجلة/ اول مرة شوفت الاهرام معها
فمش ممكن انسي حاجة موش عادية في حياتي زي نسرين
نسرين حفرت اسمها جوايا بحروف من نور لا تزول ابداولن تزل ولا حتي بالقنابل الهيدروجينة
وانا مش نسيت كلام تيتو عشان فعلا حسيت بيه
برايد عزيزة لدي جدا
اللي زي قليلون في الزمن
بس اللي زيك ندرة
شمشون
والنبي يا بني بحس ان البلوج بيترج رجا لما تدخل
وديما بتنقل حالتي المزاجية الرومانسية وانا برد علي رفقة عمر وسيمون وشروق وباحس انك بتنقلني للجبهة واننا هنحارب دوقتي
لكن حقيقي انا بافتخر بيك جدا وبرد بيك علي اي حد يقولي ان اغلب اللي بيعلقوا عندي من الجنس الناعم
فابقلهم اننا في المدونة هنا عندنا اسد اسمه شمشون
طبعا انا نفسي اكلمكم في كل الحاجات اللي انت ذكرتها بس مش هاتكلم علي تحت علم نسرين
كمان مش هتكلم عن اي حد اسمه حسني غير حسني عبد ربه
انتي عايزين افضل ادور علي نسرين 27 سنة كمان ولا ايه ؟
بابقي سعيد بزيارتك ومستنيها بس والنبي خبط قبل ما تخش
في انسات هنا
وبعدين ممكن دليلة تكون كشف شعرها ولا حاجة
مجهول
امينة خيري ديه هي الصحفية الوحيدة القادرة علي ان تجعلني اشتري جريدة
بدون مبالغة انا باشتري جريدة الحياة اللندنية عشانها هي بس
فتعبيراتها تاسرني جدا
انا مش عارف ازاي في ناس مش عارفها بجد
جرب تقرا ليها كده وانت كمان مش هتنسي الاسم
المجهول اللي بعده
علي راي رحاب
لالالالالالالالالالالالالالالالالالالالالالالالالالالالالالالالالالالا
المجنون اللي بعده
شوف
انا اكتر خاجة تفرسني
انه يجي واحد سخيف زي حضرتك ويقولي لي اني قرايت البلوج وبعدين يسال سؤال غبي زي مين نسرين
بجد السؤال ده بيجنني
لما انتي موش عارف الشئ الاساسي في الكون وهو نسرين عايزة تعرف مين امينة خيري واحمد السقا وعمرو واكد ليه
وكمان انت عرفت خالد صالح عشان شوفت الفيلم بتاعه في فرنسا والتعليق بتاعك جاي من الباجور منوفية
مش عايزين البانجو يوصل البلوج هنا كمان
وكمان مش عايزين نشوف وش حضرتك تاني
خليك في فرنسا لحد ما خالد صالح اللي انت تعرفه لما يجي ويديك كف علي وشك
الا وبتتضحك ال
دانت المفروض تعيط علي خبيتك القوية
مي
انا اتبسطت اوي عشان شوفتك النهاردة في دريم
معذرة للاطالة فلم يعد لدي وقت ولا قلب للاختصار
ومش قلت لينا حسن شحاتة احتفل ازاي بالصورة اللي اتصورها معكي
بالمناسبة مي
انتي تستحقي جايزة عشان عندك ياء
شوفي انتي عايزة ايه من عندنا وانا تحت امرك بجد
شروق
راجعين
نسرين
الليلادي
سبيني اقول واحس بيك
وانسي كل الدنيا ديه وغمض عينك
نسرين
لو البلوج ده زهرة انتي اجل نحلة وقفتي عليها
انتي تستحقي خمسة مليون جايزة
خمسة مليار
سعادة فوق الوصف عشان وصلتي لهنا
واللاه كل حاجة فيا بتناديك
اممممممممممممم
اول مرة تيجي هنا
يارب تيجي هنا علي طول عشان ده مكانك
واسمك مكتوب في كل صفحة وكل بوست
انا عرفت طبعا انك مش هي لكن فعلا انا باشعر بحميمة شديدة لكل من لديه اي حاجة من رايحة الحبايب
ايوة كل حاجة فيا بتناديك
نسرين عارفة ؟
اقولك علي حاجة وتصديقيها والله العظيم قبل ما تعلقي عندي بيوم
قعدت ساعتين احاول اضيفيك عندي
بس بسبب مشاكل تقنية عندي اتاخرت في الاضافة بس دولوقتي الحمد لله ضيفتك يا نسرين الحرية
قولوا ياما قولوا ان القمر عالي وبعيد
والملايكة مستحيل تلمسها ايد
عاجبتني اوي كمية الحب اللي في مدونتك نسرين
مسلمة مصريـة..وبنوته ليها ايدين ورجلين..وبحلم بجناحين فى الجنة..بحب قلمي وكراستي..وكتب مكتبتي رغم تناقدها..بحب كل حاجتي لدرجه اني بحب دبوس طرحتي بحب الحب اللي جوايا...وبعشق ادب على الارض .. وارسم حلمي فى نجوم سمايا
بالذمة لسه فيه كده
بجد بجد نسرين انتي رقيقة اوي اوي اوي
اعجبني اهتمامك بالتفاصيل الصغيرة بحب دبوس طرحتي
هن دول النسرينات لما بيجبوا بجد بيحبوا كل سنتمتر من اللي ادامهم
وانا الليلادي كل ده في ايديا
يمكن في الدنيا اكون انا الوحيد
حقيقي برافو عليكي اوي
كلمات البسيطة اللي كتبتيها عندي بجد زودت مساحات النهار اللي في حياتي
بعد ان كنت احيا في ظلام دائم
نسرين
شكرا لتعليقك فهو مروحة وطاووس ونعناع وماء وغيمة وردية مرت مصادفة بخط الاستواء
غاوي حب
ولا اقولك بوحة
المراية الوحيدة اللي كنت بابص فيها قبل ما اشوفها هي مراية اسانسير عماراتنا عشان كنت بجد بانكسف ابص للناس اللي طالعين معايا
وعمري ما قربت اوي من نفسي كده عشان اشوف لون عيني ايه
لغاية لما جئت هي وخرجتي من السواد
والحياة بقي لونها كحلي
مصري مغترب باشا
صديقي العزيز
انت ايضا احد بركات برايد عليا
ففيها تلاقينا واليها نعود دائما لنقرا الجديد
تعليقك عندي من احلي المفاجات
برايد؟
هو انت كمان بتدعي ليها
طب الله يخليك ممكن تبطل دعاء اسبوع ممكن الموقف يتغير
ميعادنا في دبي الشهر القادم باذن الله
وعلي فكرة انا اسمي هنا ساعد نسرين
الاسماء التانية ديه علي القهوة هناك
ربنا يطمني عليكي وتخلصوا ميزانيتكم قبل ميزانيتنا
قمر الشتاء
ربنا يكرم اصلك
بجد كلامك اخجلني جدا وخلي وشي يحمر
مش تشكرني انا علي النافذة اشكر نسرين اللي انا بنادي عليها
عارف يا قمر الشتاء؟
انا نفسي اشتغل نداهة ليوم واحد افضل انده فيه علي نسرين انده علي نسرين لغاية لما ترد واخطفها ونعيش تحت البحر
عاجبني انك متبع تعليقاتي في المدونات المختلفة وبعدين هنا انا دايما ضعيف اوي ادام الناس الراسية اللي زي حضرتك يتبع فراسته الاول ثم ينقض
عشان كده بجد تعليقك في الصيميم
وبيت الشعر اللي حضرتك قولته ده من اكتر الابيات اللي اثرات فيا بجد
لا تحسبن الرقص بينكم طربا
فالطير يرقص مذبوحا من الالم
بجد كويس اوي انك شوفت المعني العميق اللي وراء المدونة
وانا بجد حبيتك من اول تعليق
واهلا بيك دائما ضيفا عزيزا
مجهول
وايه بقي اللي خلاك تفتكرني مسيحي؟
شايفني باجي البلوج بصليب؟
ولا شوفتني خارج من كنيسة العذارء؟
بجد ياليت مفيش حد يتدخل في العلاقي بين العبد وربه ديه بتضيق اوي؟
نداء الي مصري مغترب
بما انك الوحيد هنا اللي عرف معلومات عن الساعد
رجاء طلعنا من ذلك الغموض الذي يحيط بيه نفسه
هو كم سنة ؟
متزوج ؟
ايه بالضظبط حكايته ؟
احنا بنخش البلوج ونطلع واحنا مش عارفين حاجة
ينفع كده ؟
صديقى ساعد نسرين الايمن
اولا اعتذر لك عن كشف اسمك واعتبره خطأ غير مقصود كما اشكرك على تليفونك الرقيق ياباشا
وشكرا على ردك الجميل
وطبعا اشكر برايد على انها كانت السبب فى معرفتنا دى ادام الله صداقتنا الى الابد
اما العزيزة سما
انا اسف مش هاقدر اكشف لكم اى من اسرار صديقى العزيز مادام قد اراد لنفسه الغموض والسرية
تقبلى اعتذارى
مبروك على كل الاحداث السعيدة اللى مريت بيها
يارب دايما سعيد وربنا يحقق لك كل احلامك وامانيك ونسرينك اللهم امين يارب العالمين
اولا: حمدا لله على عودتك تانى لنا بكلماتك و تعليقاتك اللذيذة والتى لا تقل فى الاهمية زى بوستاتك
تانيا: اشكرك جداعلى كلماتك الرقيقة ويارب اكون فعلا سبب ولو صغير فى رفع نفسوياتك:)
ثالثا: احب اوجه كلامى لسما مش المهم اننا نعرف معلومات شخصية عن ساعد نسرين الايمن زى اللى انتى عايزة تعرفيه لا بالعكس الغموض الذى يحيطه يزيده بريقا فدعيه يزداد بريقا
والاهم اننا نعرفه هو بمشاعره وكلماته الصادقة
هناك قول ماثور يقول"تكلم حتى أراك " واحنا نرى ساعد نسرين الايمن ولا نريد سوى ان نراه هو..... لاأحمد
سيمون
اولا احب اسلم علي كل الناس الي هنا واحييهم علي رقه احساسهم ومشاعرهم الجميله الي دفت البلوج وعطرته بياسمين الحب والاحساس الرقيق .. ورغم الكلام الي انا قلته ده والي بيتخلله من معاني واحاسيس جميله الا اني صعقت ايوة صعفت لما شفت التعلقي ده والي مش عارف اعلق عليه ازاي وهاكتفي اني انسخه كما هو وارد عليه بجميله واحده بس ،، بـــــــــلا تعلـــــــــيق ،،
ساعد نسرين الايمن berkata...
المجنون اللي بعده
شوف
انا اكتر خاجة تفرسني
انه يجي واحد سخيف زي حضرتك ويقولي لي اني قرايت البلوج وبعدين يسال سؤال غبي زي مين نسرين
بجد السؤال ده بيجنني
لما انتي موش عارف الشئ الاساسي في الكون وهو نسرين عايزة تعرف مين امينة خيري واحمد السقا وعمرو واكد ليه
وكمان انت عرفت خالد صالح عشان شوفت الفيلم بتاعه في فرنسا والتعليق بتاعك جاي من الباجور منوفية
مش عايزين البانجو يوصل البلوج هنا كمان
وكمان مش عايزين نشوف وش حضرتك تاني
خليك في فرنسا لحد ما خالد صالح اللي انت تعرفه لما يجي ويديك كف علي وشك
الا وبتتضحك ال
دانت المفروض تعيط علي خبيتك القوية
2008 Februari 15 15:17
اخوكم الانسان احساس
سما
انتي بتجمعي معلوماتي عني انا ؟
انا ؟
ياتري لصالح مين ؟
امريكا ؟
وتلاقيكي انتي اللي قولت لامريكا انهوا اللي هيلاقي نسرين الاول هو اللي هيحكم العالم مش كده
اوكي اجمعي يا ستي معلومات ولا يهمك
بس افتكري انني مجرد ساعد
الشطارة الحقيقية انك تجمعي معلومات عنها
عن نسرين
وادي دقني لو صلتي لحد فينا
وتحدي
مصري مغترب
انا عارف انك نيتك سليمة
بس حسابي معك بعدين
وياليت تبطل تتسهوك كده ادام سما بليز يعني
الصديقة العزيزة
رفقة عمر
كالعادة انتي الوحيدة اللي هناتيني علي الاحداث السعيدة
وكالعادة انتي اللي دعيت ليا
وكالعادة كل يوم بيزيد احترامي ليكي عن اليوم اللي قبله
وكالعادة لا املك سوي ان اشكرك
واتمني ان ياتي اليوم الذي استطيع ان ارد فيه لك شئ مما اللي انتي بتعمليه معايا
وكالعادة هاستتنيك تكوني الاول عندي دائما
رفقة عمر
انتي بجد رفقة عمر
سيمون
اولا حمدلله انك انتي بتجي تسيبي تعليقاتك عندي
ثانيا انتي مش سبب صغير في رفع نفسوياتي- حلوة نفسوياتي ديه- انتي سبب كبير وكبيرا جدا
وانا دايما باغني لما اكون عايز اشحن طاقتي لعمل مهم
مين ادنا؟
سيمون بتعلق عندنا
ساعد نسرين مبسوط منك اوي عشان انتي عايز تشوفيه هو مش حد تاني
واحب اطئمنك اصلا مفيش حد تاني
هنا ساعد نسرين الايمن حصريا وفقط
مفيش مكان لحد تاني
وشكرا علي الكلمتين اللي قولتيهم لسما بتاعة المخابرات ديه
الانسان احساس
انت نص كلامك حلو
ونص كلامك الباقي زي الزفت
انت زعلان عشان جاوبت علي حد ممكن يكون انت وداخل تستبعط بطريقة مش عجبتك وصعقت
ال صعقت ال
ابقي اتصل بالدفاع المدني يجي يطفيك
اه ماحنا هنا مركبين جهاز لصعق الناموس والحشرات
اول ما يخشوا يتصعقوا علي طوال
يدوب بيعيشوا يقولوا تعليق حمضان زي بتاعك ده ويموتوا علي طوال
هههههههههههههههههههههههههه
انا رديته عليه كده عشان بعد ما قرا البلوج سالني مين نسرين
وانا مشكلتي مش بحب الغباء
وبفضل اسال نفسي
هو فعلا لسه في اناس اغبياء بالشكل ده موجودين في الدنيا
فلو عشيت بعد الصاعقة اللي اتصقتها ديه يا عم الناموسة
مش تبقي تجي هنا تاني
عشان احنا مع جهاز الصاعق اللي عندنا هنرش
انا طبعا اول مرة آجى هنا لأنك شرفتنى أولا بزيارة مدونتى ولا أعرف كيف وصلت اليها فهى حديثة جدا ولسه قصين الشريط من يومين تلاتة وطبعا استغربت الاسم لكن لما جيت لقيت موضوع نسرين ده موضوع كبير جدا محتاج طفطف فعلا فاسمحلى اليوم بس القى التحية والمرة الجاية اركب الطفطف من بدرى والف اشوف ايه حكاية نسرين اللى انت ايديها اليمين بس الواضح انها حكاية ورواية ,, أشكرك على زيارتك ليا ومعتقدش انك اثبت هناك فالحراسة مشددة
برايد انسانه
بجد
انسانه
ويندر من تستحق هذا اللقب
hey whats up babe?
Post a Comment